| |
|
| |
Uimhir 7 de 1971
|
| |
|
| |
AN tACHT UM THIONSCAIL NA GAELTACHTA (LEASÚ), 1971
|
| |
ACHT DO LEASÚ AGUS DO LEATHNÚ NA nACHTANNA UM THIONSCAIL NA GAELTACHTA, 1957 GO 1968.
|
| |
[7 Aibreán, 1971.]
|
| |
ACHTAÍTEAR AG AN OIREACHTAS MAR A LEANAS:
|
|
|
Mínithe.
1965, Uimh. 18.
1941, Uimh. 23.
1957, Uimh. 29.
|
1.—San Acht seo—
|
|
| |
ciallaíonn “Acht 1965” an tAcht um Thionscail na Gaeltachta (Leasú), 1965;
|
|
| |
ciallaíonn “an Bord” Gaeltarra Éireann;
|
|
| |
tá le “údarás áitiúil” an bhrí chéanna atá leis in alt 2 den Acht Rialtais Áitiúil, 1941;
|
|
| |
ciallaíonn “an Príomh-Acht” an tAcht um Thionscail na Gaeltachta, 1957.
|
|
|
Leasú ar alt 4 den Phríomh-Acht.
1968, Uimh. 30.
|
2.—Déantar leis seo alt 4 (4) den Phríomh-Acht (arna leasú leis an Acht um Thionscail na Gaeltachta (Leasú), 1968) a leasú—
|
|
| |
(a) trí “, gan í a dhul thar dheich míle punt,” a scriosadh as mír (bii), agus
|
|
| |
(b) trí “nó ón Údarás Forbartha Tionscail” a chur isteach sa mhír sin i ndiaidh “ón bhForas Tionscal”.
|
|
|
Leasú ar alt 5 den Phríomh-Acht.
|
3.—Déantar leis seo alt 5 den Phríomh-Acht (arna leasú le hAcht 1965) a leasú—
|
|
| |
(a) trí “agus duine eile ina stiúrthóir bainistí” a scriosadh as fo-alt (1), agus
|
|
| |
(b) trí “, stiúrthóir bainistí” a scriosadh as fo-alt (2).
|
|
|
Leasú ar alt 26 den Phríomh-Acht.
|
4.—Déantar leis seo alt 26 (1) den Phríomh-Acht a leasú trí “sé mhilliún punt” a chur in ionad “dhá mhilliún punt” (a cuireadh isteach le hAcht 1965).
|
|
|
Rátaí a mhaitheamh.
|
5.—(1) I gcás—
|
|
| |
(a) áitreabh do ghnóthas tionscail a thógáil, a mhéadú nó a fheabhsú tar éis an 20ú lá d'Iúil, 1965, agus
|
|
| |
(b) an Bord a dheimhniú an tógáil, an méadú nó an feabhsú a bheith arna dhéanamh ag an mBord nó a bheith ina ábhar do chúnamh airgid ón mBord,
|
|
| |
féadfaidh údarás áitiúil, más cuí leo é—
|
|
| |
(i) dhá thrian a mhaitheamh de ráta is intoibhithe acu i leith aon áitreabh a tógadh amhlaidh, nó
|
|
| |
(ii) dhá thrian a mhaitheamh d'aon ráta breise is intoibhithe acu i leith aon mhéadú nó feabhsú den sórt sin.
|
|
| |
(2) Beidh éifeacht, faoi réir fho-alt (3) den alt seo, ag an maitheamh i leith na bliana airgeadais áitiúla díreach i ndiaidh na bliana airgeadais áitiúla inar críochnaíodh an tógáil, an méadú nó an feabhsú agus i leith gach ceann de na naoi mbliana airgeadais áitiúla díreach ina dhiaidh sin.
|
|
| |
(3) Má dheimhníonn an Bord, in aon bhliain airgeadais áitiúil, nár chomhlíon an gnóthas na téarmaí ar ar soláthraíodh cúnamh airgid, ní bheidh éifeacht ag an maitheamh i leith na bliana airgeadais áitiúla sin.
|
|
| |
(4) Ní dheonófar maitheamh níos mó ná uair amháin i leith aon tógáil, méadú nó feabhsú áirithe.
|
|
| |
(5) I gcás gan luacháil ar leithligh a bheith déanta, faoi na hAchtanna Luachála, ar áitreabh, féadfaidh an Coimisinéir Luachála, ar iarratas ón mBord, an méid is cuí leis de luacháil inrátaithe na maoine ar cuid di an t-áitreabh a chionroinnt ar an áitreabh.
|
|
| |
(6) Is feidhmeanna forcoimeádta chun críocha na nAcht um Bainistí Chontae, 1940 go 1955, na cumhachtaí a thugtar d'údarás áitiúil leis an alt seo.
|
|
|
Gearrtheideal agus comhlua.
|
6.—(1) Féadfar an tAcht um Thionscail na Gaeltachta (Leasú), 1971, a ghairm den Acht seo.
|
|
| |
(2) Féadfar na hAchtanna um Thionscail na Gaeltachta, 1957 go 1971, a ghairm de na hAchtanna um Thionscail na Gaeltachta, 1957 go 1968, agus den Acht seo le chéile.
|
